А вось і першыя фота з рэкалекцый ад кс. Андрэя! Фота можна праглядзець ТУТ.
Чакаем яшчэ фота ад сям'і Ігнаценкавых, а артыкул ад сям'і Бобка! Хвала Пану!

Сябры! Як і абяцалі на рэкалекцыях размяшчаем ў нашай групе спасылку на нескалькі варыянтаў плана чытання Бібліі: http://kopilochka.net.ru/plan.html
І як дадатковае натхненне для таго, каб распачаць чытаць Слова Божае пабожна і штодня публікуем вытрымку з даклада кс. Дзмітрыя Пухальскага "СПІС АДПУСТАЎ. АГУЛЬНЫЯ НОРМЫ":

"2. За паўгадзіннае пабожнае чытанне Святога Пісання з належнай пашанай да Божага Слова і трактаванне гэтага дзеяння як духоўнага чытання. За кожнае чытанне Святога Пісання пры тых самых умовах, але за карацейшы час, – частковы адпуст."
Дзякуем кс. Андрэю Сіповічу за тое, што нам яго даслаў! Хвала Пану!

Духоўныя дарадчыкі разамі з сем'ямі нашага руху ладзяць класную імпрэзу!
Сябры! Прыязджайце на баль!

Запрашэнне ад кс. Алега і кс. Уладзіміра: Шчыра запрашаем дзяцей, моладзь і Вас, дарагія мамы і таты!!! :)
Рыхтуем касцюмы святых, біблійных герояў, анёлаў і разам святкуем! Бо святасць перамагае! Варта быць святым, ты таксама можаш!
Нас чакаюць вясёлыя конкурсы і забавы, тэатральная пастаноўка, конкурс ведаў пра святых, выбар караля і каралевы балю, сумесныя спевы і танцы, падвядзенне вынікаў конкурсу малюнкаў "Мой любімы святы", дождж салодкіх смсаў ад святых і шмат іншых сюрпрызаў для кожнага :)

І на гэты раз папаўненне ў рух звязана не з тым, што да нас далучыліся новыя сем'і, а з тым, што ў сям'і Ваяводскіх радасць - нарадзілася дачка!

Дарагія Артур і Каццярына, шчыра віншуем вашу сям'ю з такой счастлівай падзеяй! Жадаем вашай дачушцы Алінке ўсіх Дароў Духа Святога! Няхай Маці Божая атуляе яе сваёй апекай на працягу ўсяго жыцця, а Езус стане для яе Добрым Сябрам, які заўсёды будзе падказваць які крок лепей зрабіць!
Божага благаслаўлення ўсёй вашай сям'і!