18 верасня на Кальварыі адбылася урачыстая цырымонія прыняцця Карты Equipes Notre-Dame 3 сям'ямі з Мінску: Аляксандра і Галіны Антановіч, Уладзіміра і Святланы Дробыш, а таксама Мікалая і Яніны Купцовых.

Шчыра дзякуем усім сем'ям, якія знайшлі час , каб завітаць на гэта свята і асабіста павіншаваць маладых! Так-так, менавіта маладых! Вельмі прыгожым момантам Святой імшы стаў момант аднаўлення шлюбных абяцанняў. Такога гучнага "Горка!" на Кальварыі ўжо не чулі даўно!:))

Віншуем вас, сябры, з гэтым цудоўным святам!
Няхай прыклад вашага жыцця нахтняе новыя пакаленні і будзе яскравым доказам таго, што сапраўднае каханне жыве зусім не 3 гады, як кажуць некаторыя псіхолагі, а распачынае квітнець яшчэ ярчэй і праз 33, і 43, і 53, і 63... Горка маладым!:))
Хвала Пану!

Некалькі фота з цырымоніі можна праглядзець ТУТ.

Відэарэпартаж з цырымоніі можна праглядзець ТУТ.

Хвала Хрысту!
Даражэнькія! У нас сёння добрыя навіны!
Учора сям'я Кукулька з Польшчы даслала нам поўны цыкт тэм на гэты фармацыйны год з сімвалічнай назвай "Будуем масты, а не сцены".
І ведаеце, так цудоўна, што і ў нашым рухе з запалам таксама ідзе будаўніцтва ўсё новых і новых мастоў! Дзякуем Пану Богу за кожную сям'ю, якая з радасцю прапануе, дапамагае, падтрымлівае, натхняе!!!
Але сёння асаблівыя словы падзякі хочам выказаць сям'і КІЕВІЧ!

Менавіта, Алена і Ілля згадзіліся стаць перакладчыкамі тэм на гэты фармацыйны год з польскай на рускую мову! Дзякуючы іх намаганням на сайце руха у падзеле "Тэмы сустрэч" ужо можна знайсці пераклад першай тэмы гэтага года! Дзякуем вам, сябры!
Няхай Пан Бог аддзячыць вам за кожны пераведзены радочак! Духа Святога вам на добры і легкі пераклад!
Хвала Пану!

Шчыра запрашаем вас, дарагія сем'і Equipes Notre-Dame, у гэту нядзелю 18 верасня пад час Святой імшы на Кальварыі (Мінск) прыняць удзел ва ўрачыстай цырымоніі прыняцця Карты Equipes Notre-Dame новай супокай.

Гэта нядзеля стане асаблівым святам для трох сямей з Мінску: Аляксандра і Галіны Антановіч, Уладзіміра і Святланы Дробыш і Мікалая і Яніны Купцовых. І будзе сапраўды цудоўна. калі мы разам з імі раздзелім радасць гэтага дня!

Асаблівым чынам заахвочваем сем'і з Мінску і іншых прыблізных мястэчак завітаць на Кальварыю на Святую імшу а 14 гадзіне і усім разам адсвяткаваць гэту цудоўную падзею! Хвала Пану!